Almatyda demalys kúnderi jańbyr jaýady
ALMATY. QazAqparat Nóser jańbyrymen Almatyny ábigerge salǵan aýa raıy aldaǵy demalys kúnderi qandaı bolmaq.
«Qazgıdromet» RMK mamandary «QazAqparat» tilshisiniń birqatar suraqtaryna jaýap berdi.
Sınoptıkterdiń aıtýynsha, 29 sáýir men 1 mamyr aralyǵynda jańbyr jaýady, keı jerlerde nóserletip, burshaq jaýýy yqtımal. 30 sáýir 1 mamyr aralyǵynda taýly aımaqtarda qar aralas jańbyr bolýy múmkin. Bul kúnderi aýa temperatýrasy túnde 1-6 gradýs, kúndiz 10-15 gradýs bolady. Keı jerlerde túnde -2 gradýsqa deıin kún sýytýy múmkin. 2 mamyr men 7 mamyr aralyǵynda kún ashyq bolyp, aýa temperatýrasy túnde 7-12 gradýs, kúndiz 22-27 gradýsqa deıin joǵarylaıdy. Jalpy, mamyr aıynyń alǵashqy on kúndiginde ótkinshi jańbyr jaýyp, kún kúrkireıdi. Mamyr aıynyń ekinshi onkúndiginde aýa temperatýrasy 3-8 gradýsqa deıin kóterilip, kúndiz 18-23 tıen 26-31 gradýsqa deıin joǵarylaıdy. Mamyr aıynyń úshinshi onkúndiginde aýa raıy qubylmaly bolmaq.
Sınoptıkterdiń aıtýynsha, aıdyń sońynda aýa temperatýrasy túnde 15-20, kúndiz 30-35 gradýsqa deıin jetýi yqtımal. Jel kúsheıip, burshaq jaýady.
