Almatyda demalys kúnderi tek taksıler ǵana júretin boldy
ALMATY. QazAqparat – Almatyda demalys kúnderi taksı qyzmeti ádettegi rejımde jumys isteıdi. Bul týraly qalanyń Erlan Ádilov aıtty, dep habarlaıdy QazAqparat tilshisi.
«Maýsymnyń 20-21 kúnderi kóptegen uıymdardyń jumysyna shekteý qoıylýyna baılanysty qoǵamdyq kólikter de jumysyn toqtatady. Qala ishindegi jáne syrtyndaǵy marshrýttar boıynsha barlyq avtobýs, trolleıbýstar jumysqa shyqpaıdy. Al taksı jumys istep turady. Taksoparkterdiń barlyǵy táýlik boıy jumys isteıtin bolady. Barlyq kólikter sanıtarlyq dezınfektsııalaýdan ótetin bolady», - dedi qalalyq mobıldilik basqarmasy basshysynyń orynbasary Erlan Ádilov.
Onyń aıtýynsha, dúısenbiden bastap qoǵamdyq kólikterdiń jumysy qaıta jandanady.
Búgin Almatyda iri saýda oıyn-saýyq ortalyǵy, bazarlar, azyq-túlikten basqa taýarlar satatyn bazarlar, qoǵamdyq kóliktiń jumysy 2 kúnge toqtatylatynyn habarlaǵan bolatynbyz.
Osyǵan baılanysty qala ákimi Baqytjan Saǵyntaev qala turǵyndaryna úndeý jarııalady.
