Almatyda demalys kúnderi saýda ortalyqtary nege jumys istemeıdi
«Men bıznesmenderdiń alańdaýshylyǵyn túsinip otyrmyn. Alaıda tótenshe jaǵdaı bolǵan kezdi eske túsirsek, biz karantınnen keıin ashtyq, biraq 1 aıdan soń barlyǵy qaıta jabyldy. Árıne, olar shyǵynǵa batqan soń tezirek ashylǵysy keledi. Alaıda, qazir ashyp alyp, qaıta jabylsaq, onyń qajeti qansha? Halyq taǵy jumysynan aırylady. Tabystan qaǵylady. Ázirshe jaǵdaı turaqtalǵansha kúte turamyz. Qazir saýda oryndary aptasyna 5 kún jumys istep tur. Olardyń tezirek ashylǵanyna biz de múddelimiz», - dedi ákim.
Onyń aıtýynsha, saýda jáne oıyn-saýyq ortalyqtary kelýshilerdiń sanıtarlyq qaýipsizdigin saqtaý sharalaryn túgel qamtamasyz etip otyr.
«Belgili bir tetiktermen qaýip seıilgenine kóz jetkizsek, ákimdik, álbette osy qadamǵa barady. Memlekettik komıssııaǵa unysys beremiz. Osy jáne kelesi juma baqylap kóremiz. Alaıda demalys kúnderi adam kóp shoǵyrlanatynyn esten shyǵarmaıyq», - dedi ákim.
Aıta ketý kerek, Almaty qalalyq bas sanıtar dárigerdiń qaýlysyna sáıkes, qalada demalys kúnderi saýda, oıyn-saýyq ortalyqtary, demalys oryndary jabyq turady.
Almaty ákimi karantın ýaqytynda osymen 7-shi ret tikeleı efırde halyqtyń saýalyna jaýap berip otyr.