Almatyda demalys kúnderi qoǵamdyq kólikter júrmeıdi
«Qaladaǵy epıdemıologııalyq jaǵdaıdyń tómendeýine baılanysty 13,14 naýryzda qoǵamdyq kólikter júrmeıdi. Mundaǵy maqsatymyz - indettiń aldyn alý jáne taralyp ketýin boldyrmaý. Al dúısenbi, 15 naýryzda saǵat 6:00- den bastap qoǵamdyq kólikter óz jumysyna kirisedi»,- dedi qalalyq jumyldyrý basqarmasy.
Almaty «qyzyl» aımaqqa endi. Qalada karantındik sharalar kúsheıtildi.
Aıta ketý kerek, 10 naýryzda Almaty qalasy koronavırýs boıynsha qyzyl aımaqqa engen bolatyn. Qalanyń Bas memlekettik sanıtarlyq dárigeri Jandarbek Bekshın jańa qaýly shyǵardy. Oǵan sáıkes demalys kúnderi, ıaǵnı, senbi jáne jeksenbi kúnderi qalada sport keshenderi, sporttyq-saýyqtyrý ortalyqtary men fıtnes-ortalyqtar, sondaı-aq, saýda oıyn saýyq ortalyqtary, saýda úıleri men saýda jelileriniń qyzmetine tyıym salynǵan.
Ashyq bazarlarǵa (azyq-túliktik, azyq-túliktik emes) tek jeksenbide jumys isteýge tyıym salyndy. Sýpermarketter men gıpermarketterdiń ýaqyty saǵat 06:00-den 02:00-ge deıin shekteldi.
