Almatyda demalys kúnderi qoǵamdyq kólik júrmeıdi
ALMATY. QazAqparat – Almatyda 11-12 shilde kúnderi qoǵamdyq kólik marshrýtqa shyqpaıdy, dep habarlaıdy QazAqparat tilshisi.
«Qaýipti indettiń ýshyǵa túsýine baılanysty demalys kúnderi, ıaǵnı 11-12 shildede qoǵamdyq kóliktiń qyzmeti toqtatylady», - dep habarlady Almaty qalasynyń kólik holdınginen.
Dúısenbi, 13 shilde kúni avtobýstar jumysy qaıta jandanady.
Aıta keteıik, shekteý sharalary aıasynda qoǵamdyq kólikterdiń júrý ýaqyty bir saǵatqa qysqardy. ıAǵnı avtobýs, trolleıbýs marshrýttary men metro tańǵy saǵat 06:00-den keshki saǵat 22:00-ge deıin júredi.
Eske salaıyq, koronavırýs ınfektsııasyna qatysty epıdemıologııalyq ahýaldy turaqtandyrý maqsatynda 5 shildeden bastap elimizde 14 kúnge qatań shekteý sharalary engizildi.
