Almatyda demalys kúnderi dárihanalar jabyla ma
ALMATY. QazAqparat – Almatyda demalys kúnderi jeke turǵan dárihanalar qalypty rejımde jumys isteıdi. Olarǵa shekteý qoıylǵan joq. Bul týraly qalalyq kásipkerlik jáne ınvestıtsııalar basqarmasynyń basshysy Erkebulan Orazalın aıtty, dep habarlaıdy QazAqparat tilshisi.
«Dárihanalar barlyq sanıtarlyq talapty saqtaı otyryp jumys isteı beredi. Olar jabylmaıdy. Sebebi, ol jerge adam kóp jınalmaıdy. Sonymen qatar, sulýlyq salondary da jumystaryn jalǵastyrady», – dedi Erkebulan Orazalın.
Onyń aıtýynsha, bul tek jeke ornalasqan dárihanalar men sulýlyq salondaryna qatysty. Eger bul nysandar iri saýda ortalyqtarynyń ishinde bolsa, sáıkesinshe olarda jabyq bolady.
