Almatyda demalys kúnderi avtobýs júretin boldy
ALMATY. QazAqparat – Atameken Business telearnasynyń tikeleı efırinde qalalyq Sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın jańa shekteýlerge baılanysty demalys kúnderi qoǵamdyq kóliktiń júrýine baılanysty túsinik berdi, dep habarlaıdy QazAqparat tilshisi.
«Bul joly qoǵamdyq kóliktiń júrisine qatysty eshqandaı shekteý joq. Qoǵamdyq kólik demalys kúnderi qatynaıtyn bolady», - dedi ol.
Aıta ketý kerek, Almaty qalasy «qyzyl» aımaqqa enýine baılanysty qalalyq Sanıtarııalyq-epıdemıologııalyq baqylaý departamentiniń basshysy, qalanyń bas memlekettik sanıtar dárigeri Jandarbek Bekshın jańa qaýly qabyldaǵan bolatyn.
Qaýlyǵa sáıkes saýda, oıyn-saýyq ortalyqtary men bazarlar senbi-jeksenbi kúni jumys istemeıdi.
Al kınoteatrlar men teatrlardyń jumysy ýaqytsha toqtatyldy.
Sonymen qatar, jańa qaýlyǵa sáıkes endi koronavırýs juqtyrǵan adamdar aýrýhanaǵa jatyp emdeledi.
