Almatyda demalys aımaǵynyń ıesine 640 myń teńgege jýyq aıyppul salyndy
ALMATY. QazAqparat – Almatyda demalys aımaǵy karantınge qaramastan jumys istep kelgen, dep habarlaıdy QazAqparat tilshisi.
Qalalyq Polıtsııa departamentiniń habarlaýynsha, júzý basseıni bar keshen, tekserý kórsetkendeı ádettegi kestege saı jumys istegen. Shamamen 30 adam demalyp jatqan.
«Olardyń arasynda kishkentaı balalary bar otbasylar da boldy. Demalýshylar ortaq basseındi paıdalanǵan, tipti áleýmettik qashyqtyq pen negizgi gıgıena týraly umytyp ketken sııaqty. 28 adamǵa qatysty SES ókilderi QR ÁQbK-niń 425-baby boıynsha ákimshilik hattama jasady. Sonymen qatar, demalys aımaǵynyń ıesi de ákimshilik jaýapkershilikke tartyldy. Zańdy tulǵaǵa salynatyn aıyppuldyń mólsheri – 230 AEK, ıaǵnı 638 940 teńgeni quraıdy», – dedi Naýryzbaı aýdandyq polıtsııa basqarmasynyń bastyǵy Dıdar Ahanov.
