Almatyda dekoratıvti ósimdikter otyrǵyzylyp jatyr
ALMATY. QazAqparat – Almatyda shamamen 185 myń sharshy metr aýmaq gúlmen abattandyrylatyn bolady, dep habarlaıdy QazAqparat tilshisi.
Almaty ákimdiginiń málimetinshe, bıyl qalada raýshan, qyzylkúreń, kolambýs, abba, lavanda, sálben, qaztamaq, gortenzııa jáne ózge de dekoratıvti ósimdikter otyrǵyzylady. Jol jıekterine gúl túpterin otyrǵyzýǵa yńǵaıly bolýy úshin bir jyldyq ósimdikter egiledi.
Mamandar badanaly ósimdikter, kóp jyldyq jáne bir jyldyq gúlderdi de egedi. Qazirgi kezde kóp jyldyq ósimdikterdiń úlesin arttyrý jumystary kezeńmen júrgizilip jatyr. Búginde kóp jyldyq ósimdikter úlesin 60%-ǵa jetkizý josparlanǵan.
«Gúlder klımattyq jaǵdaılarǵa, kólemi men qalpyna, gúlzarlardyń kólemine jáne sándigine qaraı tańdalady. Bıyl kóp jyldyq gúlderdi 15 mamyrǵa deıin, bir jyldyq ósimdikterdi 10 maýsymǵa deıin otyrǵyzady. Al badanaly ósimdikter qazan jáne qarasha aılarynda egiledi. Bıyl qala boıynsha sýarý jumystaryn kúsheıtý josparlanǵan. Memlekettik jeke seriktestik aıasynda qalany dekoratıvti kógaldandyrý jumystaryna 400 maman men 50 birlik tehnıka jumyldyryldy», - dep habarlady ákimdikte.
