Almatyda daýyldy aldyn ala eskertý jarııalandy
ALMATY. QazAqparat - Almatyda 13-14 qarashaada jeldiń kúrt kúsheıýine baılanysty daýyldy aldyn ala eskertý jarııalandy.
Bul týraly «QazAqparat» HAA tilshisi Almaty qalalyq Tótenshe jaǵdaılar departamentine silteme jasap habarlady.
13 jáne 14 qarashada Jambyl, Ońtústik Qazaqstan, 14 qarashada Almaty oblystarynda ońtústik-batystan soqqan jeldiń kúshi 15-20, keı jerlerde 23-28, ekpini 30 m/s asa kútilýde. 14 qarashada Shyǵys Qazaqstan oblysynda qar, keı jerlerde qalyń qar jaýady, jaıaý burqasyn, kóktaıǵaq, tuman túsedi. Ońtústik batystan soqqan jeldiń kúshi 15-20, keı jerlerde 23-28, ekpini 30 m/s jetýi yqtımal, - delingen QR ІІM TJK saıtynda.
