Almatyda dástúrli velosherý ótedi
ATY. 25 maýsym. QazAqparat /Erbol Azanbek/ - Erteń 26 maýsym kúni Almatyda táýelsizdiktiń 20 jyldyǵy men Halyqaralyq esirtkige qarsy kúres kúnine arnalǵan velosherý ótedi,
dep habarlaıdy qala ákiminiń baspasóz qyzmeti.
Velosherýge velosportty súıetinderdiń barlyǵy shaqyrylady. Tańǵy 8.30-da Ál-Farabı-Táttimbet kósheleriniń qıylysynda bastalatyn sherý Dendrosaıabaq aldyndaǵy alańda aıaqtalady.
Basty maqsaty velosıpedti paıdalanýdy nasıhattap júrgen sherý elimizdegi eń iri qalada dástúrge aınaldy. Ádette velosherý merekeler men eldegi mańyzdy oqıǵalar qarsańynda ótkiziledi. Buǵan deıin Astanadaǵy EQYU sammıti, 7-shi Qysqa Azııa oıyndary, Almaty qalasynyń kúni, Sport kúni, Halyqaralyq qorshaǵan ortany qorǵaý kúni, Uly Otan soǵysynyń 65 jyldyǵy qurmetine ótkizilgen bolatyn.
Almatyda velosıped ınfraqurylymyn damytý qalanyń 2009-2018 jyldarǵa arnalǵan qorshaǵan ortadaǵy lastanýdy azaıtý baǵdarlamasyna qosylǵan bolatyn. Bunyń aıasynda ótken jyly Abaı dańǵyly boıynda alǵashqy velosıped joly salyndy.
