Almatyda dástúrli teatr festıvali bastaldy
ALMATY. 19 naýryz. QazAqparat - Almatydaǵy bul festıval Qazaqtyń Muhtar Áýezov atyndaǵy akademııalyq drama teatrynyń bir jyl ishindegi jumysyn qorytyndylaıdy.
Atalmysh teatrdyń dırektory Esmuqan Obaev búgin «Teatr kóktemi-2013» festıvaliniń ashylý rásimine arnalǵan baspasóz máslıhatynda osylaı aıtty.
«Ǵylymı-tájirıbelik turǵyda ótetin dástúrli bul sharada táýelsiz kásibı qazylar alqasy teatrdyń jumysyn saralaıdy. Bıyl ol Keńester odaǵynyń halyq ártisi, Memlekettik syılyqtyń laýrety jáne teatrdyń irgetasyn qalaýshylardyń biri Kamal Qarmysovtyń 100 jyldyǵyna arnalady. Ol akterge arnalǵandyqtan salmaqtyń bári akterge túsedi. Bıylǵy erekshelik, qoıylymdardaǵy rólderdi somdaýshylardyń kópshiligin jastar qurap otyr», - dedi E. Obaev.
Onyń aıtýynsha, festıval kezinde teatrda sońǵy bir jylda sahnalanǵan 5 jańa qoıylym kórsetiledi. Árbir spektakldiń aldynda K.Qarmysov týraly derekti fılm kórsetilip, áıgili akterdiń kózin kórgen óner sańlaqtary estelik aıtady. Al 27 naýryz kúni eske alý keshi ótip, festıval qorytyndysy shyǵarylady.
