Almatyda dástúrli sýburqaq merekesi ótti

dep habarlaıdy QazAqparat.

Qysqy úzilisten keıin barlyq sýburqaqtar jergilikti ýaqyt boıynsha keshki 20.00-de iske qosylyp óz jumysyn bastady. Barlyq aýdanda estrada juldyzdarynyń jáne shyǵarmashylyq ujymdardyń qatysýymen merekelik kontserttik baǵdarlamalar, sonymen qatar teatrlandyrylǵan qoıylymdar uıymdastyryldy. Negizgi sharalar Abaı atyndaǵy Memlekettik akademııalyq opera jáne balet teatrynyń aldyndaǵy alańda ótti. Jınalǵan qaýymǵa «Megapolıs» shoý tobynyń oryndaýynda Leonarda Bernstaınanyń «Vestsaıd tarıhy» jáne «Maskalar» mıýzıkli kórsetildi. Sonymen qatar, qala turǵyndary men qonaqatary vokaldy ansambldiń jáne bı ujymdarynyń oryndaýynda Irvıng Berlınniń «Putt in the rist» mıýzıklin tamashalady.

"Sýburqaq merekesi - bul keremet dástúr! Bizdiń jas kezimizde sýburqaqtar mańynda dostarymyzben kezdesip turatynbyz jáne ár túrli kezdesýler ótkizetinbiz. Búginde turǵyndardyń bul dástúrdi umytpaǵany qandaı jaqsy. Almaty sýburqaqtary árdaıym demalys orny bola beretindigine qýanyshtymyn", dedi almatylyq Valentına Kalacheva.

Almatyda birinshi sýburqaqtar 1948 jyly paıda boldy. Ol búgingi tańda Abaı atyndaǵy Memlekettik akademııalyq opera jáne balet teatrynyń aldynda turǵan sýburqaq. Sonymen qatar, sol jyly Ǵ.Músirepov atyndaǵy balalar jáne jasóspirimder teatry mańynda, Astana alańynda, sondaı-aq, "Qazaqstan temir joly" ǵımaratynyń aldynda ashylǵan bolatyn.