Almatyda dástúrli Qazaqstannyń golf chempıonaty ótedi

dep habarlaıdy QazAqparat.

Áýesqoılar tobynyń halyqaralyq jarysy sanalatyn bul dodaǵa bıylǵy jyly jas golfshilerdiń rekordty sany qatyspaq. Uıymdastyrýshylardyń aıtýynsha, olar 2016 jyly golf boıynsha Qazaqstannyń olımpıadalyq qurama komandasynyń quramyna kiredi degen úmit bar. Olaı deýlerine sebep, 2009 jyly qazan aıynyń 9-y kúni Kopengagende Halyqaralyq olımpıadalyq komıtet (HOK) 2016 jáne 2020 jyldary ótetin Olımpıadalyq oıyndar baǵdarlamasyna sporttyń jańa túrin - golfty qosatyny jaıly sheshim qabyldaǵan bolatyn.

Sonymen qatar, bıyl da dástúrli túrde óz elimizben qatar, Reseı, Eýroodaq elderi, Ulybrıtanııa, AQSh, Koreıa, Japonııa jáne taǵy da basqa elderdiń sportshylary qatysady dep kútilýde.

2007 jyldan beri Seimar Open ózgeshe mártebege ıe boldy, búginde ol European Challenge Tour negizinde ótkiziletin "Kazakhstan Open" atty kásibı golf týrnıriniń irikteý kezeńi bolyp tabylady. Sonymen qatar, týrnır jeńiskeri (Qazaqstan azamaty) bedeldi sporttyq jarysta bizdiń elimizdiń atynan qatysý múmkindigine ıe bolady. Ótken jyly osyndaı quqyqqa Erkebulan Bashikov jáne Ádil Muhamedjanov ıe bolǵan edi.

Qazaqstannyń Seimar Open atty golf chempıonaty - respýblıkalyq kólemdegi sporttyq jarys. Bul chempıonattyń tarıhy 1998 jyldan bastaldy. Osy jyldar ishinde týrnırge áýesqoılar men kásibıler kóptep kelip, Qazaqstan, Reseı, Koreıa, Japonııa, AQSh, Ulybrıtanııa jáne t.b. elderden 800-den astam sportshy qatysty.

Búginde sporttyń bul túrine qyzyǵýshylyq edáýir joǵary jáne jyldam qarqynmen ósip, golftyń aýmaqtyq mektepteri damyp kele jatyr. Tek qana Almatyda bul sporttyń túrimen jastary 3-ten 18-ge deıingi 300-deı bala men jasóspirim shuǵyldanyp jatyr, al «Nurtau» golf-akdemııasynda olardyń kóbisiniń tegin aınalysýǵa múmkindigi bar. Búgingi kúni Seimar Open týrnıri halyqaralyq bedel alý úshin kúresken daryndy jas sportshylardyń bolashaq máre alańy bolyp tabylady.