Almatyda dástúrli IV qalalyq «Dırektor» spartakıadasy ótedi
ALMATY. 8 qarasha. QazAqparat /Erbol Turymbetov/ - Erteń Almatyda VII Qysqy Azııa oıyndaryn nasıhattaýǵa arnalǵan qoskúndik IV qalalyq «Dırektor» spartakıadasy bastalady.
Sharany Almaty qalalyq týrızm, dene shynyqtyrý jáne sport basqarmasy men Almaty qalasy ákimi apparaty, Halyqtyq-ulttyq sport túrleri jáne jalpylama-saýyqtyrý deneshynyqtyrý klýby birlese uıymdastyryp otyr. Oǵan qaladaǵy jalpy bilim beretin mektepter dırektorlary qatysady. Spartakıada barysynda qatysýshylar voleıbol, ústel tennısi, boýlıng jáne arqan tartý, buqa tartys, tymaq urý sııaqty ulttyq oıyn túrlerinen saıysqa túsetin bolady.
Sporttyq jarystar birinshi kúni №62 gımnazııasy men №167 orta mektepterinde, al ekinshi kúni «Kardınal» boýlıng ortalyǵynda ótedi.
