Almatyda dástúrli HІІ Oralhan Bókeı oqýlary ótýde
ALMATY. Qyrkúıektiń 8-i. QazAqparat /Erbol Turymbetov/ - Búgin Almaty qalasy Almaly aýdanyndaǵy №4-shi Oqýshylar úıinde dástúrli HІІ Oralhan Bókeı oqýlary ótti,
dep habarlaıdy QazAqparat.
Ony Almaly aýdany ákimdigi uıymdastyrdy. Sharanyń maqsaty 30-shy qyrkúıekte Astanada ótetin respýblıkalyq baıqaýǵa úmitkerler irikteý. Oǵan Almaly aýdandyq mektepterinen 15 pen 30 jas aralyǵyndaǵy 11 úmitker qatysty. Onyń ishinde 6-ýy muǵalimder bolsa, 5-eýi oqýshylar.
«Bul sharany alda kele jatqan Qazaqstan halyqtary tilderi merekesi qarsańynda uıymdastyryp otyrmyz. Osy baıqaýdan qazylar alqasy 1 oqýshy men 1 oqytýshyny iriktep, qalalyq baıqaýǵa shaǵarady. Sodan utqandary respýblıkalyq jarysqa barady», deıdi Almaly aýdandyq bilim bóliminiń bastyǵy Gúlnar Qojabergenova.
Baıqaýǵa qatysýshylar proza, poezııa, monolog atalymdary boıynsha saıysqa tústi.
