Almatyda dástúrli «APPLE FEST» sharasyna 150 tonna alma ákelindi
ALMATY. QazAqparat - Tuńǵysh Prezıdent saıabaǵynda ótip jatqan «APPLE FEST» dástúrli alma festıvali qyzyqqa toly merekelik baǵdarlamalarymen este qalmaq.
Almatylyqtardyń eń súıikti merekesi - Alma festvali bıyl alty aımaqtan quralǵan. Sonyń biri «Apple Bazar» aımaǵyna bıyl 150 tonna alma ákelingen. Iis ańqyǵan almaty aporty naryqtaǵy baǵadan 30 paıyzǵa arzan satylýda. Qala turǵyndary úılerine molynan satyp alyp ketip jatqanyen baıqaýǵa bolady.
Saıabaq alańdarynda ótip jatqan árrtúrli mádenı sharalar almatylyqtardyń kóńilin kótergeni sózsiz. Munda «Alma bazardan» bólek, «Alma otbasy», velospıedshilerge arnalǵan «Alma draıv», «Alma áýen» syndy aýqymdy bólimder bar. «Alma áýen» bóliginde qurylǵan sahnada tanymal estarada juldyzdary óner kórsetýde. Sonymen qatar, «Alma otbasy» aımaǵynda ulttyq qolóner sheberleri master klass ótkizip jatqanyn aıta ketý kerek.
Festıvalge kelýshilerdi qala ákimi Baýyrjan Baıbek mekemen quttyqtady.
«Biz Almatynyń joǵarǵy tehnologııalyq qala ǵana emes, ózindik bolmysymen erekshelengenin qalaımyz. Qazirgi tarıhı-mádenı muralarymyz jańarý men kreatıvtiliktiń bastaýy bolyp otyrǵany sózsiz. Tarıhshylar Almatynyń 1000 jyldyq tarıhyn dáleldep berdi. Mine, 10, 11 ǵasyrdan beri bul jerdi adamdar meken etip keledi. Qalanyń 1000 jyldyq tarıhyn Gornyı Gıgant aımaǵynan tabylǵan kóne túrki teńgeleri men Shekarashylar ýchılışesi mańynan tabylǵan «Almatý» degen jazýy bar kóne teńge dáleldedi.
Shyǵystanýshy Vladımır Nastıch Almatynyń qazirgi aýmaǵynda teńge soǵatyn saraı bolǵan degen ǵylymı boljam usynady. Bilesizder, jeke aqsha birligi bolý degen ol qashanda sol eldiń joǵary mádenıeti men derbes ekonomıkasyn kórsetedi.
Osy faktilerge súıene otyryp, ıÝNESKO-nyń 38-shi sessııasynda 195 el biraýyzdan Almatynyń 100 jyldyǵyn atalǵan halyqaralyq uıymnyń eskertkish datalar kúntizbesine qosýǵa daýys berdi. Munyń barlyǵy da sizder úshin, qymbatty almatylyqtar. Bizde Almatyny álemdegi eń úzdik qalalar qataryna qosý úshin jasaǵan josparlarymyz bar. Biz oǵan qol jetkizemiz dep oılaımyn, sebebi bizdiń bárimizdiń Almatyǵa degen mahabbat biriktirip otyr», - dedi Baýyrjan Baıbek.
Aıta keteıik, Qala kúnin toılaý merekesi aıasynda «Almaty qalasynyń qurmetti azamaty» syılyǵy tabys etildi. Bul marapat ǵalymdar Karl Baıpaqov, Kamal Ormantaev jáne Sotsıalıstik Eńbek eri Vera Sıdorovaǵa berildi.
