Almatyda dástúrli ánder keshi ótedi
ALMATY. 29 qarasha. QazAqparat /Erbol Turymbetov/ - Almatydaǵy Qazaqstan Jazýshylar odaǵy úıinde 15 jeltoqsan kúni «Alashtyń Aqan serisi» atty kesh ótedi.
Sharany «Adyrna» ulttyq-etnografııalyq birlestigi men Qazaqstan Jazýshylar odaǵy birlese uıymdastyrýda. Keshtiń maqsaty - jas urpaqqa kórnekti kompozıtor, aqyn, ánshi Aqan seriniń shyǵarmashylyq murasyn nasıhattap, ulttyq rýhyn oıatý.
Keshke Qaırat Baıbosynov, Jolaman Qujımanov, Ramazan Stamǵazıev, Ardaq Isataeva, Erkin Shúkimanov sekildi óner maıtalmandarymen birge, «Kókil» etnotoby jáne J. Elebekov atyndaǵy estrada jáne tsırk kolledji stýdentteri qatysady dep kútilýde.
