Almatyda «Darynǵa ǵasyr bas ıedi» atty shyǵarmashyl jastardyń festıvali ótýde
ALMATY. Qazannyń 22-si. QazAqparat / Ádilet Musahaev/ - Almatyda QR Tuńǵysh Prezıdenti qory «Darynǵa ǵasyr bas ıedi», atty shyǵarmashyl jastar festıvalin ótkizip jatyr,
dep habarlaıdy QazAqparat.
«Іs-sharanyń basty maqsaty - ulttyq mádenı qundylyqtardy nasıhattap, talantty shyǵarmashyl jastardy, ıaǵnı stýdentterdi, jas sýretshilerdi, fotograftardy, jas aqyndardy, kınematografısterdi qoldap, shyǵarmashylyqta ósýge jol ashyp, damytý. Sonymen qatar shyǵarmashyl ujymdardyń basqa da ujymdarmen jan-jaqty baılanys ornatýyn qarastyrý jáne qatysýshylardyń ary qaraı damýlaryn motıvatsııalap, kásibı deńgeılerin kóterý», deıdi atalmysh qordyń Atqarýshy dırektory Bektas Muhamedjanov.
Shara barysynda «Qala jáne dızaın» kórmesi, «Dala ańyzy - o, Aldar» spektakli, qoldanbaly óner jármeńkesi, jas sýretshiler men fotograftardyń kórmesi, kınematografısterdiń kınofılmderi kórsetilip, qazaqstandyq jas aqyndar men prozashylar jınaqtarynyń tusaýkeseri boldy. Sondaı-aq T. Júrgenov atyndaǵy QazUÓA bitirýshi túlekterdiń dıplomdyq jumysty iske asyrýǵa bólingen granttardy jeńip alǵan jeńimpazdardyń dıplomdyq jumystary kórsetildi.
