Almatyda daryndy jastar men belsendi qozǵalystar marapattalýda
ALMATY. Maýsymnyń 3-i. QazAqparat /Názıra Eleýhan/ - Búgin Almatyda Oqýshylar saraıynda uıymdastyrylǵan «QazUAÝ-niń jastar syılyǵy - 2010» sharasynyń marapattaý rásimi ótip jatyr.
Atalmysh shara talantty, daryndy jastardy, belsendilik kórsetken stýdenttik qozǵalystar men jastar komıtetiniń isterin qoldaý maqsatynda ótkizilýde. Jeńimpazdarǵa jeti atalym: «Eń úzdik stýdenttik uıym», «Eń úzdik stýdenttik joba», «Eń úzdik jyl sportshysy», «Eń úzdik stýdenttik dekan», «Oqý ozaty» atalymdary boıynsha syılyqtar tabystalatyn bolady.
«Bul shara tuńǵysh ret ótkizilýde, bolashaqta dástúrli jáne jyl saıyn ótkiziletin sharaǵa aınaldyrýdy josparlap otyrmyz. Búgin shara aıasynda Qazaq Ulttyq agrarlyq ýnıversıtetiniń túlekteri túsirgen stýdenttik fılm kórsetiletin bolady», dedi Jastar ákimshiliginiń tóraǵasy Murager Saýranbaev.
