Almatyda daryndy balalardyń «Jas qalam» poezııalyq shyǵarmashylyq stýdııasy ótýde
ALMATY. 21 sáýir. QazAqparat - Almatydaǵy «Bóbek» ulttyq ǵylymı, tájirıbelik, bilim berý jáne saýyqtyrý ortalǵynda daryndy balalardyń «Jas qalam» poezııalyq shyǵarmashylyq stýdııasy ótip jatyr.
Oǵan Qazaqstannyń túkpir-túkpirindegi turmysy tómen otbasynan shyqqan 10-15 jastaǵy aqyndyq shyǵarmashylyq qabiletti, daryndy balalar men jasóspirimder qatysýda.
16 sáýirde bastalǵan bul shara erteń aıaqtalady. Ol jas talanttardy áleýmettik qoldaý úshin uıymdastyrylýda. Maqsat - olardyń azamattyq, adamgershilik qundylyq turǵysynan óziniń dara adamı tulǵasyn sezine otyryp, ózin-ózi damytýyna, ózin-ózi jetildirýine jaǵdaı týǵyzý. Sondaı-aq ádebı shyǵarmashylyqqa belsendi qatystyra otyryp, tulǵanyń úılesimdi qalyptasýyna yqpal etý jáne balalardyń shyǵarmashylyǵyn damytý máselelerine jalpy jurtshylyqtyń nazaryn aýdarý maqsatyn kózdep otyr.
