Almatyda dárini qymbatqa satpaq bolǵan áıel ustaldy
ALMATY. QazAqparat - Almaty polıtsııasy alypsatarlardan taǵy bir partııa dári tárkiledi, dep habarlaıdy QazAqparat tilshisi.
Polıtsııa departamentiniń baspasóz qyzmeti habarlaǵandaı, bul joly alypsatar áıel Almaty qalasynyń Túrksib aýdanynda ustaldy.
Ol áıelden «Groprınosınniń» 100 paketi, balalarǵa arnalǵan «Anaferonnyń» 105 paketi, eresekterge arnalǵan 62 paket «Anaferon», sondaı-aq ol qymbat baǵamen satýdy josparlaǵan 7 «Ingavırın» tabyldy. Ustalǵan áıel bul saýdadana shamamen 1 mıllıon teńge tabys tabady.
Qazir dári-dármektiń barlyǵy tárkilendi.
Almaty qalalyq polıtsııa departamenti kúdiktiniń is-áreketine qatysty zańǵa sáıkes quqyqtyq baǵa berip, jaýapkershilikke tartpaq.
Keshe «Ingavırın», «Tamıflý» jáne «Paratsetamol» dárilerin qymbatqa satpaq bolǵan eki adam ustalǵanyn jazǵan bolatynbyz.
Eske salaıyq, QR Prezıdenti Q.K. Toqaevtyń tapsyrmasy boıynsha Іshki ister mınıstrligi elimizde reıd ótkizilip jatyr.
Tekserýdiń maqsaty – karantın ýaqytynda qajetti dári-dármekterdiń jetispeýshiligin paıdalanyp, joǵary suranysqa ıe bolǵan respıratorlyq vırýstyq aýrýlardy emdeýge arnalǵan dári-dármekterdi joǵary baǵamen satqan dárihana qyzmetkerleri men azamattardy anyqtaý.
