Almatyda dárini qymbatqa satqan dárihana men farmatsevtıka kompanııasynyń qyzmetkerleri ustaldy

ALMATY. QazAqparat - Almaty qalasynda dárilik zattardy kóterińki baǵamen satqan dárihana men farmatsevtıkalyq kompanııa qyzmetkerleri ustaldy, dep habarlaıdy QazAqparat Qarjy monıtorıngi komıtetiniń baspasóz qyzmetine silteme jasap.

Qarjy monıtorıngi komıtetiniń Almaty qalasy boıynsha Ekonomıkalyq tergeý departamenti dárilik zattardyń jetispeýshiligin qoldan jasaǵan tulǵalardy anyqtaýǵa qatysty is-shara júrgizilip jatyr.

9 shildede kóleńkeli naryqta dárilik zattardy kóterińki baǵada satýmen aınalysqan dárihana men farmatsevtıka kompanııasynyń jumysshylary ustaldy.

«Áleýmettik qaýip-qater dárilik zattardyń naqty jetispeýshiligi týyndaǵanǵa deıin qoımalarda saqtalýyna baılanysty bolyp otyr. Naryq jaǵdaıǵa sáıkes tapshylyq týyndaǵanda baǵalar ósedi. Farmatsevtter óz kezeginde kerekti dári-dármek kólemin dárihana jelilerine jetkizbeı, olardy kóleńkeli naryqta 30-50 paıyzǵa qymbattatyp satady.

Іs-shara barysynda jalpy somasy 4,7 mln teńgeni quraǵan 500 býma «Ingavırın», «Azıtromıtsın», «Zomaks» dári-dármekteri tabyldy», delingen habarlamada.

Atalǵan fakti boıynsha Qylmystyq kodekstiń 214-baby 1-bólimi (zańsyz kásipkerlik) sáıkes sotqa deıingi tergeý amaldary bastaldy.