Almatyda dárigerlerdiń beınesi kóshelerdegi bılbordtarǵa qoıyldy
ALMATY. QazAqparat - Almaty ákimdigi qala kúnin merekeleý aıasynda pandemııa kezinde koronavırýspen kúreste aldyńǵy qatarda bolǵan dárigerlerdiń eńbegi men erligine degen alǵys pen qurmet belgisi retinde «Almaty yntymaqtastyǵy» kórmesin uıymdastyrdy, dep habarlaıdy QazAqparat tilshisi.
Almatylyqtar metro stantsııalary men LED-ekrandardaǵy bılbordtardan aq halatty abzal janardy kóre alady.
Fotosessııaǵa №29 Qalalyq emhanasynyń, Almaty qalalyq Jedel medıtsınalyq járdem qyzmetiniń, № 1 Qalalyq klınıkalyq aýrýhanasynyń, ShJQ «Ortalyq qalalyq klınıkalyq aýrýhana» MKK, №17 Qalalyq emhanasynyń, I.S. Jakenova atyndaǵy qalalyq klınıkalyq juqpaly aýrýlar aýrýhanasynyń jáne Qalalyq balalar juqpaly Aýrýlar aýrýhanasynyń 100-den astam medıtsına qyzmetkeri qatysty.
«Ózimnen jáne óz áriptesterimnen fotosessııaǵa shaqyrǵany úshin alǵysymdy bildirgim keledi. Naýryz aıynan beri kórmegen kóptegen áriptesterimizdi kórdik. Tájirıbe almasyp, bir týǵandaı áńgimelese aldyq. Kóńil-kúıdi kóteretin osyndaı is-sharalar kóbirek bolsa eken», - dedi medbıke Gúlmıra Abdýllaeva.
