Almatyda dárigerler júregi syr bergen júkti áıeldi qutqaryp qaldy
ALMATY. QazAqparat – Almaty qalalyq kardıologııalyq ortalyǵynyń dárigerleri júktiliktiń 32 aptasynda júregi syr bergen 35 jastaǵy kelinshekti qutqaryp qaldy, dep habarlaıdy QazAqparat tilshisi.
Qalalyq Qoǵamdyq densaýlyq basqarmasynyń habarlaýynsha, patsıent aýrýhanaǵa júrek soǵysy jıilep túsken. Onyń tynysy tarylyp júrek soǵysy mınýtyna 160-tan asyp ketken. Júrektiń jıyrylý fýnktsııasy qalypty kezde 55-70 paıyz bolsa, áıelde 38 paıyzǵa túsip ketken. Bul ishtegi balanyń ómirine de qaýip tóndirgen.
Medıtsınalyq preparattarmen áıeldiń júreginiń jumysyn qalypqa keltire múmkin bolmaǵan.
«Klınıkalyq aýhaldy baǵalaı otyryp arıtmologııa ortalyǵynyń dárigerleri elektrokardıoversııaǵa júginbedi. Sonymen qatar rentgen jasaý da qaýipti boldy. Patsıenttiń oń jaq júrekshesine elektrod engizildi. Sonyń arqasynda júrek soǵysy qalpyna keltirildi»,- dedi artımologııa bóliminiń meńgerýshisi Bekjan Armenuly.
Ota 10 mınýt sozylǵan. Úlken tiliksiz jasalǵan ota nátıjesinde salynǵan elektrod az ýaqyttan soń qaıta alyndy.
Qazir áıel úıine shyqqan. Dárigerlerdiń baqylaýynda. Sabiı men ananyń densaýlyǵyna tóngen qaýip seıildi.
