Almatyda dárigerler jańa týǵan náresteniń júregine kúrdeli ota jasady
ALMATY. QazAqparat – Almatydaǵy Perınatalogııa jáne balalar kardıohırýrgııasy ortalyǵynyń dárigerleri týǵanyna 10 kún bolǵan balaǵa ota jasady, dep habarlaıdy QazAqparat tilshisi.
Náreste týabitti aqaýmen dúnıege kelgen.
Balanyń júreginiń aortasy ashyq turǵandyqtan tamyr jaraqatyn alý qaýpi tóndi.
«Sábı ólim men ómirdiń ortasynda turǵandyqtan shuǵyl ota jasaldy. Operatsııa 2 saǵatqa sozylǵan. Qazir naýqastyń jaǵdaıy birqalypty» deıdi ortalyqtyń dırektory Ǵanı Bodyqov.
Balanyń ómirin ajaldan arashalap qalý úshin jansaqtaý bóliminde 27 dáriger kúresken.
Qazir shaqalaqtyń jaǵdaıy áldeqaıda jaqsy. Sondyqtan palataǵa, anasynyń qasyna aýystyryldy.
