Almatyda dárigerler tuqym qýalaıtyn aýrýǵa shaldyqqan 9 balaǵa kúrdeli mıkrohırýrgııalyq operatsııa jasady
Sheberlik klasy sheńberinde patsıentter bilikti dárigerlerlerden keńes aldy. Eń bastysy, mýkopolısaharıdoz aýrýymen aýyratyn 9 balaǵa mindetti áleýmettik medıtsınalyq saqtandyrý esebinen operatsııa jasaldy.
Biregeı kúrdeli otalardy reseılik mamanmen birge №2 qalalyq klınıkalyq balalar aýrýhanasynyń travmatologııa jáne ortopedııa bólimshesi meńgerýshisi Erlan Sadyrbalın men balalar hırýrgi Uljan Soltanbekova jasady.
«Operatsııalardyń bári shaǵyn ınvazıvti ádispen jasaldy. Arnaıy quraldardyń kómegimen jasalǵan hırýrgııalyq manıpýlıatsııa saýsaqtardyń qozǵalysyn qalpyna keltirýge múmkindik beredi. Biregeı operatsııalardy jasaý arqyly biz de aldaǵy ýaqytta kádege jaraıtyn úlken tájirıbe jınaqtadyq», - dedi Erlan Sadyrbalın.
Mýkopolısaharıdoz – aǵzada glıkozamınoglıkandardyń jınaqtalýy saldarynan bolatyn tuqym qýalaıtyn aýrý. Dáneker tinderdi zaqymdaıtyn dert saldarynan júıke júıesi, kózi, ishki organdary men qımyl-qozǵalys apparatynyń jumysy buzylady. Mýkopolısaharıdoz - álemde 100 myń adamnyń 50-inde kezdesetin sırek (orfandyq) aýrý.
Esterińizge sala ketsek, Elimizde 18 jasqa deıingi balalar memleket tarapynan saqtandyrylady.