Almatyda dárigerler shala týǵan úshemdi aman alyp qaldy
ALMATY. QazAqparat - Almatyda Perınatologııa jáne balalar kardıohırýrgııasy ortalyǵynyń dárigerleri shala týǵan sábılerdi aman alyp qaldy, dep habarlaıdy QazAqparat tilshisi.
1 mamyrda 35 jastaǵy áıelge shuǵyl túrde kesir tiligi jasaldy.
Salmaǵy 1170 gr., 1475 gr jáne 1685 gr bolatyn úsh qyz bala dúnıege keldi.
Ota júktiliktiń 31-shi aptasynda jasaldy.
Balalar shala týǵandyqtan áljýaz bolǵan.
Sábıler jansaqtaý bóliminde 3 kún, odan keıin shala týǵan balalardy baǵý bóliminde 33 kún jatty.
«Bizde neonataldyq blokta merziminen erte týǵan balalardy baǵýǵa barlyq jaǵdaı jasalǵan. Oǵan qosa dárigerlerdiń biliktiligin aıtý kerek. Sábıler aman bolsyn, joldary ashyq bolsyn!» - dedi ortalyqtyń bas dárigeri Ǵanı Bodyqov.
Qazir balalar analarymen birge perzenthanadan shyqty.
Jyl basynan beri ortalyqta 101 egiz týǵan.
