Almatyda dárigerler mıyna qan quıylýǵa az qalǵan naýqasty aman alyp qaldy
Almaty qalalyq densaýlyq saqtaý basqarmasynyń baspasóz qyzmeti málim etekendeı, qalalyq jedel shuǵyl kómek kórsetý aýrýhanasynyń qabyldaý bólishesine basy aınalyp, tula boıyn álsizdik basqan egde áıel jedel járdem brıgadasymen jetkizildi.
Fýnktsıonaldy dıagnostıka bóliminde naýqastyń bas tamyrlaryna brazotsefaldy dýpleksti zertteý júrgizildi. Nátıjıesinde oń jaq ishki uıqy arterııasynyń 90% stenozy anyqtaldy.
«Uıqy arterııalarynyń stenozy - mıdy qanmen qamtamasyz etetin tamyrlardyń tarylýy. Bul patologııanyń qaýpi onyń belgileriniń uzaq ýaqyt boıy baıqalmaýynda. Degenmen, bul ınsýlt sııaqty aýyr asqynýdyń sebebi bolýy ábden múmkin», - deıdi neıroınsýlt bóliminiń meńgerýshisi Lázzat Aıaǵanova.
«Negizi hırýrgııalyq ota jasaý úshin arterııalyq stenoz 70%-dan asý kerek. Al patsıentte ol 90% bolǵandyqtan, naýqasqa jedel túrde jergilikti anestezııamen joǵary tehnologııalyq ota - ishki uıqy arterııasyna rentgenendovaskýlıarly stendteý jasaldy. Ota sátti ótti, naýqastyń jaǵdaıy qanaǵattanarlyq»,- dedi dáriger.
Dárigerdiń sózinshe, aýrýdyń alǵashqy belgileriniń biri - sezimtaldyq pen qozǵalys belsendiliginiń tómendeýi, sondaı-aq kórý qabiletiniń buzylýy. Patsıentter ádette aıaqtyń, bettiń uıýy, kórý óristeriniń joǵalýyna shaǵymdanady. Qoldyń nemese bilektiń bulshyqet kúshiniń tómendeýi de oryn alýy múmkin. Keıde sóıleý, estý, jutý qıyndyqtary, bet asımmetrııasy, qatty aýyrsyný da týyndaıdy. Neǵurlym jıi kezdesetin belgiler - bas aınalý, ózin nashar seziný jáne álsizdik.
Aıta keteıik, Almaty qalalyq jedel shuǵyl kómek kórsetý aýrýhanasynda mindetti áleýmettik medıtsınalyq saqtandyrý aıasynda jedel jáne josparly túrde mı tamyrlaryna ashyq jáne endovaskýlıarlyq otalardyń barlyq túri jasalady.
Osyǵan deıin almatylyqtardyń Birlik kúni merekesine toılaýdy bastap ketkenin jazǵan edik.