Almatyda dárigerler men prokýrorlar jańa saıtty iske qosty
«Almaty qalasynyń densaýlyq saqtaý júıesi, medıtsınalyq kómek kórsetý túrleri, kólemi jáne nysandary, zańdy quqyqtary týraly halyqqa ózekti jáne paıdaly aqparatty jetkizý maqsatynda, sondaı-aq keri baılanys úshin qalalyq prokýratýramen birlesip www.almatymed.kz biryńǵaı saıtyn ázirledi»,- delingen habarlamada.
Bul saıt qoldanýshyǵa «Google Maps» kartasy arqyly naqty ornalasqan jerin jáne zańdy meken jaıyn kórsete otyryp, qajetti medıtsınalyq uıymdy izdeýge kómek beredi. Sondaı-aq, medııtsnalyq uıymnyń jumys tártibi, birinshi basshysy týraly jáne emdeý mekemesi kórsetetin medıtsınalyq kómektiń túrleri týraly aqparatty tabýǵa, kez-kelgen menshik nysanyndaǵy uıymdarda qajetti mamandy tabýǵa járdemdesedi.
Sonymen qatar, biryńǵaı Call-ortalyǵymen, chat arqyly (Jivo-saıt) operatormen baılanysýǵa jaǵdaı jasalǵan.
