Almatyda dárigerler COVID-19 juqtyrǵan aýrýhananyń 2 bólimi karantınge jabyldy
ALMATY. QazAqparat - Almatyda dárigerleri koronavırýs juqtyrǵan aýrýhananyń qabyldaý bólimi men taǵy bir bólimi karantınge jabyldy, dep habarlaıdy QazAqparat tilshisi.
Búgin №12 ortalyq qalalyq klınıkalyq aýrýhananyń 12 qyzmetkeri ınfektsııa juqtyrǵanyn habarlaǵan bolatynbyz.
Qalalyq qoǵamdyq densaýlyq saqtaý basqarmasynyń baspasóz qyzmeti habarlaǵandaı, osyǵan baılanysty qalalyq ortalyq klınıkalyq aýrýhananyń qabyldaý bólimi men taǵy bir bólimi karantınge jabyldy.
«Naýqastardy qabyldaý bólimi men bir bólim dezınfektsııa jasaý úshin jabyldy. Іndet juqtyrǵandarmen jaqyn baılanysta bolǵan qyzmetkerler baqylaýǵa alyndy. Inkýbatsııalyq kezeń 14 kún bolǵandyqtan osy ýaqytta, ıaǵnı qyzmetkerler kezekshilikte bolǵan kúnderi baılanysta bolǵan patsıentter de izdestirilip jatyr», - dedi basqarmanyń baspasóz qyzmetinen.
