Almatyda dárigerler aǵashtan qulaǵan 10 jasar qyzdy aman alyp qaldy
ALMATY. QazAqparat – Almaty dárigerleri aǵashtan basymen qulap mertikken 10 jasar qyzdy aman alyp qaldy, dep habarlaıdy QazAqparat tilshisi.
Qalalyq Qoǵamdyq densaýlyq basqarmasynyń habarlaýynsha, «Balalar shuǵyl medıtsınalyq járdem ortalyǵyna» 10 jastaǵy qyz bala óte aýyr, es-tússiz jaǵdaıda jetkizildi. Ol 2,5 metr bıikten, aǵashtan basymen jerge qulap túsken.
Hırýrgter men neırohırýrgtar brıgadasy teksergennen keıin qyzdy shuǵyl reanımatsııa bólimine jatqyzdy.
Mıdyń jáne bas súıeginiń kompıýter tomografııasy sol jaq parıetaldy súıektiń depressııalyq-fragmenttik synýy men sol jaq parıetaldy súıektiń epıdýraldy gematýralyq synyǵyn kórsetti.
Ortalyqtyń dárigerleri shuǵyl operatsııa jasady. Dárigerler bas súıekke trepanatsııa jasap, uıyǵan qandy gemotamany alyp tastap, mıdyń qatty qabyǵyna plastık ornatty. Qyz bala bir aptaǵa jýyq jansaqtaý bóliminde boldy.
«Búgingi tańda qyz balanyń jaǵdaıy aýyr, turaqty jáne jansaqtaý bóliminen aýrýhananyń neırohırýrgııalyq bólimine aýystyryldy. Naýqas esin jıdy, ýaqytyly tamaqtanyp jatyr. Qazirgi ýaqytta jaǵdaıy aýyr, biraq turaqty dep baǵalanyp otyr. Ata-analarǵa balalaryn aýlada oınap júrgende jıi qadaǵalap otyrýdy jáne olarǵa ashyq toq kózderin ustamaý, aǵashqa shyqpaý, átkenshekterde aqyryn terbelý, velosıped, skeıt tepkende arnaıy forma kııý týraly eskertip otyrý kerek», - dedi Balalarǵa shuǵyl medıtsınalyq kómek kórsetý ortalyǵynyń qabyldaý bóliminiń meńgerýshisi Meıirjan Qurmanálıev.
