Almatyda dárigerdi atqan kúdiktiniń isine taǵy bir bap qosyldy

ALMATY. QazAqparat - Almatyda dárigerdi atyp óltirgen kúdiktiniń isine taǵy bir qylmystyq bap qosyldy. Oǵan ıÝrıı Shýmkovty óltiremin dep qorqytty degen aıyp taǵylyp otyr, dep habarlaıdy QazAqparat tilshisi.

«Qamaýǵa alynǵan kúdiktige qatysty taǵy bir bap qosyldy. Qazir QR Qylmystyq kodeksiniń 115-baby (Adam óltiremin nemese densaýlyqqa aýyr zııan keltiremin dep qorqytý, sol sııaqty adamǵa qatysty ózge de aýyr kúsh qoldaný) boıynsha sotqa deıingi tergeý bastaldy»

, - dep habarlady qalalyq prokýratýranyń baspasóz qyzmeti.

Oqıǵa bolǵan kúni Bostandyq aýdandyq polıtsııa basqarmasy sotqa deıingi tergeýdi bastaǵan bolatyn. Qozǵalǵan qylmystyq ister biriktirildi. Qazir ol Almaty qalalyq polıtsııa departamenti jedel-tergeý tobynyń óndirisinde. Qylmystyq istiń sebebi men basqa da mán-jaılaryn anyqtaýǵa, sondaı-aq tolyqtyǵyn qamtamasyz etýge baǵyttalǵan qajetti tergeý áreketteri júrgizilip jatyr.

«Qylmystyq is boıynsha protsessýaldyq prokýror taǵaıyndalyp, oǵan QR Qylmystyq-protsestik kodeksiniń 197-babyna sáıkes jazbasha nusqaý berildi»

, - dep atap ótti vedomstvadan.

Eske salaıyq, 4 sáýir kúni Almatyda belgili gastroenterolog ıÝrıı Shýmkovty patsıenti bolǵan adam ań aýlaıtyn qarýdan atyp óltirdi. Keıin densaýlyq saqtaý mınıstri Ajar Ǵınııat dárigerdiń ólimine qatysty pikir bildirdi .

Dárigerdiń artynda, jubaıy, úsh balasy men qart ata-anasy qaldy.