Almatyda dáriger tapshylyǵy joq – basqarma basshysy
ALMATY. QazAqparat – Almatyda medıtsınalyq kadr tapshylyǵy joq. Bul týraly búgin onlaın brıfıng barysynda qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
«Medıtsınalyq qyzmetkerler arasynda keshe 2 áriptesimiz aýyr halde jatqan bolatyn. Búgin olardyń jaǵdaıy birshama jaqsardy. Qazir olardyń jaı kúıi ortasha dep baǵalanyp otyr. Qazir qalanyń statsıonarlarynda jatqan 25 áriptesimizdiń jaǵdaıy ortasha. Al basqalarynyń jaǵdaıy qanaǵattanarlyq», -dedi Tileýhan Ábildaev.
Sonymen qatar, basqarma basshysynyń aıtýynsha, qalada medıtsınalyq qyzmetkerlerdiń jetispeýshiligi baıqalmaıdy. 11 kúnnen soń dárigerlerdiń kópshiligi jumysqa shyǵady.
«Olar emdeý mekemelerine qaıta oralady dep senemin», - dedi basqarma basshysy.
Aıta ketý kerek, Almatyda 218 medıtsınalyq qyzmetker koronavırýs juqtyrǵan.
