Almatyda dári-dármektiń 8 aılyq qory bar
ALMATY. QazAqparat - Almaty qalasynyń ákimi Baqytjan Saǵyntaev QR farmatsevtıkalyq qyzmetti qoldaý jáne damytý qaýymdastyǵynyń ókilderimen, Almaty qalasynyń iri dıstrıbıýtorlarymen jáne dárihana jelilerimen dári-dármekpen qamtamasyz etý jaǵdaıy týraly keńes ótkizdi, dep habarlaıdy QazAqparat tilshisi.
Qaýymdastyq ókilderi búgingi kúni qaladaǵy barlyq dárihanalarda koronavırýstyq ınfektsııany emdeýde suranysqa ıe barlyq dári-dármekter bar ekenin atap ótti.
Kovıdke qarsy dári-dármekterdi turaqtandyrý qorynda búginde 19,4 mln astam dári-dármek qory, onyń ishinde 2,4 mln antıbıotık, 335 myń antıkoagýlıant, 2,5 mln atsetılsalıtsıl qyshqyly, 78 myń dárýmen, 568 myń gormonaldy dári bar. 4,15 mln antıpıretıkter, 9,0 mln medıtsınalyq maqsattaǵy quraldar (shprıtster, ınfýzııalyq júıeler jáne t.b.), 180 myń vırýsqa qarsy dári jáne 300 myńnan astam basqa dári-dármekter, bul eki aıdan astam ýaqytty quraıdy.
Kún saıyn 749 myń dana maska shyǵarylady, 33 mıllıonnan astamy jetkizýshilerdiń qoımalarynda. Maskalardyń defıtsıti baıqalmaıdy.
Barlyq dıstrıbıýtorlar óndirýshilerdiń dári-dármekterin jetkizýde problemalar bolmaǵanyn jáne olardyń ótken jyly suranystyń joǵarylaýyn eskere otyryp, olardyń jetkilikti qory bar ekenin rastady. Turaqtandyrý qorynda barlyq dári-dármektiń 8 aılyq qory bar.
Sonymen qatar, dárihana jelileri óz qoımalarynda farmatsevtıkalyq preparattardyń aıtarlyqtaı qorlaryn qurdy jáne suranystyń maýsymdyq ósýin ǵana atap ótti.
