Almatyda dári-dármekpen qamtý jaǵdaıy qalaı

ALMATY. QazAqparat – Almaty ákimdigi dárihanalardyń jumysy boıynsha jaǵdaıdy málim etti, dep habarlaıdy QazAqparat tilshisi.

Almaty qalalyq Kásipkerlik jáne ınvestıtsııalar basqarmasynyń málimetinshe, shaharǵa dárilik preparattardy jetkizýde irkilis joq. Megapolıs dárilik preparattardyń qajetti kólemimen qamtamasyz etilgen.

«Іńkár», «Medservıs», «Amanat», «Raýza», «Evrofarma», «Tsvetnaıa» jáne qalanyń ózge de dárihana jelileri qajetti dárilik quraldardyń jetkizilýin ýaqytyly qamtamasyz etip otyrdy. Olardyń qoımalary tártipsizdikter kezinde zardap shekken joq. Qala boıynsha dárihanalardyń qyzmetin qalpyna keltirý kezeń-kezeńimen júrgizilýde», - dedi Kásipkerlik jáne ınvestıtsııalar basqarmasynyń basshysy Erkebulan Orazalın.

Onyń sózinshe, olarda dári-dármek qory – bir aıǵa, jekelegeninde qor eki aıǵa jetkilikti.