Almatyda dári-dármek taratatyn robot-farmatsevt iske qosyldy
ALMATY. QazAqparat - «Almaty - Adaldyq alańy» jobasy aıasynda qalada dárihana roboty dep atalyp ketken alǵashqy avtomattandyrylǵan medıtsınalyq apparat iske qosyldy. Bul týraly qala ákimdiginiń baspasóz qyzmetinen málim etti, dep habarlaıdy QazAqparat.
Almaty ákimi Baýyrjan Baıbek qalalyq onkologııa ortalyǵynda bolǵanda azamattardy qajetti preparattarmen qamtamasyz etýdegi jáne jemqorlyqtyń aldyn alýdaǵy jańa tsıfrlyq ádiske baǵa berdi.
«Dárihana roboty» - Qazaqstan men Ortalyq Azııadaǵy alǵashqy joba, onyń kómegimen onkologııa syrqatyna shaldyqqandarǵa qymbat dáriler berletin bolady. Dárigerdiń retseptinen bastap patsıentke preparatty bergenge deıingi barlyq rásim júıelengen jáne avtomatty túrde birden málimetter bazasyna túsedi. Preparat alatyn adamnyń kelbeti nemese saýsaq izderi sáıkes bolýy tıis. Budan soń jeke elektrondy karta jasalady jáne dáriger jazǵan preparat beriledi.
«Bul joba jemqorlyq táýekelin azaıtady jáne dári-dármekke baqylaýdy barynsha kúsheıtedi, dárilerdiń saqtalý sharttaryn qamtamasyz etip, patsıent pen medıtsına qyzmetkeriniń tikeleı júzdesýine jol bermeıdi», - dedi «Almaty - Adaldyq Alańy» jobaly keńsesiniń jetekshisi Aleksandr Bratenkov.
Almaty onkologııa ortalyǵyn aralaǵan Baýyrjan Baıbek iske qosylǵan jańa radıologııalyq korpýsta da boldy. Eger buryndary mekeme hırýrgııa men hımııa terapııa boıynsha ǵana medıtsınalyq kómek kórsetip kelse, endi radıologııalyq korpýstyń arqasynda sáýleli ádispen emdeý qolǵa alyndy.
Budan buryn Almatyda dári-dármekti arnaıy robottar taratatynyn habarlaǵan bolatynbyz.
