Almatyda dári-dármek naryǵynyń jaı-kúıine arnalǵan halyqaralyq konferentsııa ótip jatyr
ALMATY. 3 maýsym. QazAqparat /Erbol Azanbek/ - Almatyda dári naryǵynyń jaı-kúıine arnalǵan «Farmatsevtıkalyq tájirıbe: ǵylym men bilim, óndiristiń yqpaldastyǵy» atty halyqaralyq ǵylymı-tájirıbelik konferentsııa ótip jatyr.
Shara Almaty qalasynyń aýrýhanaaralyq birinshi dárihananyń 30 jyldyǵy men S.Asfendııarov atyndaǵy QazUMÝ farmatsevtıka fakýltetiniń 60 jyldyǵyna arnalǵan. «Bıyl QazUMÝ-dyń farmatsevtıka fakýltetine 60 jyl toldy. Búgingi konferentsııa barysynda osy ótken ýaqytty saralap, dári salasynyń qazirgi jaı-kúıi men bolashaǵyna kóz júgirtýdi maqsat tuttyq»,- deıdi S.Asfendııarov atyndaǵy QazUMÝ farmatsevtıka fakýltetiniń dekany Ýbaıdýlla Dathaev. Konferentsııaǵa Ýkraına, Ózbekstan, Qazaqstannan 30-ǵa tarta farmatsevt ǵalymdar qatysýda.
Konferentsııa aıasynda farmatsevtıka fakýltetiniń túlekteri úshin bos oryndar jármeńkesi, farmatsevtıka ardagerlerine qurmet sharasy, TMD men Qazaqstannyń jetekshi mamandarynyń lektsııalary ótip jatyr.
