Almatyda dári- dármek baǵasyn kimder kóterip otyr
ALMATY. QazAqparat – «Sadyhan áleýmettik dárihana» JShS dárihanalar jelisiniń ıesi Qaırat Áýbákirov pandemııa kezinde dári-dármek jáne medıtsınalyq zattar naryǵynda baǵanyń qalaı qalyptasatyndyǵyn túsindirdi, dep habarlaıdy QazAqparat tilshisi.
Qaırat Áýbákirovtiń aıtýynsha, dúnıejúzinde dári-dármekke degen suranystyń artýy saldarynan óndirýshiler olardyń baǵalaryn ósirgen, biraq Almatynyń dárihana jelileri Densaýlyq saqtaý mınıstrligi bekitken baǵany ustanýda.
«Óndirýshiler pandemııaǵa deıin maskalardy 11 teńgemen shyǵaryp, 15 teńgemen satatyn. Sońǵy jetkizilim bizde 96 teńgeden boldy. Keıin óndirýshiler baǵany kóterdi. Bizdi satý baǵasymen shektedi. ıAǵnı, bir maska 118 teńgeden satylatyn boldy. Al biz olardy 115 teńgeden satýǵa sheshim qabyldadyq»,- dedi Qaırat Áýbákirov.
Sonymen qatar, ol termometrdiń baǵasyna da toqtaldy.
«Qajettilik týyndaǵanǵa deıin bir termometr 80 teńgeden satyldy. Qazir olardyń baǵasy - 860 teńge. Óndirýshiler baǵany kóterdi, dıstrıbıýterler olardy qoldady, biraq biz ózimizdiń standarttyq baǵamyzdy ózgertpedik», - dedi ol.
Onyń aıtýynsha, Qazaqstanda 2020 jyldan bastap dári-dármekterge shekti baǵalar engizilgen.
«Eger dárihana preparattyń baǵasyn kóterip satatyn bolsa, onda aıyppul tóleıdi. Ekinshi ret qaıtalasa, 6 aıǵa lıtsenzııasynyń toqtatylǵany týraly eskertý beriledi. Dári- dármekterdiń baǵasyn kóterýge biz múddeli emespiz»,– dedi Qaırat Áýbákirov.
