Almatyda dárethanadan tabylǵan náresteniń jaǵdaıy aýyr
ALMATY. QazAqparat – Almatyda dárethanadan tabylǵan shaqalaqtyń jaǵdaıy aýyr. Bul týraly qalalyq densaýlyq saqtaý basqarmasynan málim etti, dep habarlaıdy QazAqparat tilshisi.
25 tamyz kúni tańǵy saǵat 06:53-te Balalarǵa jedel medıtsınalyq kómek kórsetý ortalyǵyna jańa týǵan náreste túsken. Shaqalaq birden jansaqtaý bólimine jatqyzyldy.
«Náreste shala týǵan. ıAǵnı, 21-22 aptada dúnıege kelgen. Gıpotermııaǵa baılanysty qazirgi ýaqytta balanyń jaǵdaıy óte aýyr. Reanımatsııa bóliminde qarqyndy terapııa alyp jatyr», - dep habarlady basqarmadan.
Balanyń 17 jastaǵy anasy da aýrýhanada jatyr. Qazir onyń jaǵdaıy ortasha aýyr dep baǵalanýda.
«Naýqas №4 qalalyq klınıkalyq aýrýhananyń gınekologııa bólimine jatqyzyldy. Qazirgi ýaqytta jaǵdaıy ortasha, turaqty. Klınıkalyq hattama boıynsha tolyq kólemde em qabyldap, tekserýden ótedi», - dep atap ótti qalalyq densaýlyq saqtaý basqarmasynan.
Eske salaıyq, 25 tamyz kúni túnde qalanyń Túrksib aýdanynda jańa týǵan náresteni qutqarýǵa arnalǵan arnaıy is-shara ótti. Túrksib aýdandyq polıtsııa basqarmasynyń kámeletke tolmaǵandar isi jónindegi ýchaskelik ınspektory Nurjan Shatýnovtyń aıtýynsha, saǵat ekide kámeletke tolmaǵan qyzdyń túsik tastaǵany týraly habar berilgen. Polıtseı dárethana shuńqyrynan shaqalaqty alyp shyqty. Keıin Іshki ister mınıstri Marat Ahmetjanovtyń buıryǵymen polıtsııa kapıtany Nurjan Shatýnov batyldyǵy úshin maıor shenin aldy.
