Almatyda damytý ortalyǵynda kishkentaı bala kóz jumdy
ALMATY. QazAqparat - Almatyda jekemenshik balalardy damytý ortalyǵynda kishkentaı bala kóz jumdy, dep habarlaıdy QazAqparat tilshisi.
Almaty qalalyq polıtsııa departamenti qaıǵyly oqıǵanyń bolǵanyn rastady.
«QR Qylmystyq kodekstiń 141-babynyń 2-bóligi «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý, abaısyzda kámeletke tolmaǵan balanyń ólimi» deregi boıynsha tirkeldi. Qylmystyq is boıynsha saraptama taǵaıyndalǵan»,- dep habarlady vedomstvodan.
Qylmystyq isti Bostandyq aýdandyq polıtsııa bóliminiń qyzmetkerleri tergep jatyr.
BAQ betterinde jarııalanǵan aqparat boıynsha, balanyń ústine shkaf «qulap ketken».
