Almatyda dámhananyń qorshaýyn buzyp qashqan adamdar vıdeoǵa túsip qaldy
ALMATY. QazAqparat - Almaty polıtsııasy karantınge baılanysty reıd kezinde dámhananyń qorshaýyn buzyp, tesikten qashqan klıentterdi ustady, dep habarlaıdy QazAqparat tilshisi.
Kýágerlerdiń aıtýynsha, oqıǵa «Bla bla bar« kafesinde bolǵan. Vıdeoǵa monıtorıng toby kirgende kafeniń qorshaýyn qırata qashqandar túsip qalǵan.
Qalalyq PD baspasóz qyzmetinen habarlaǵandaı, bul oqıǵa Q.Sátpaev pen Dostyq kóshesiniń qıylysyndaǵy dámhanada bolǵan.
«Polıtsııa «Bla bla bar« dámhanasyn tekserýge barǵanda sanıtarlyq talaptardyń oryndalmaǵany anyqtady. Karantın jaıly eshkim oılanbaǵan. PB bólimshesine 51 adam jetkizildi. Olar QR ÁQbK-niń 425-babymen ákimshilik jazaǵa tartyldy. Sonymen qatar, dámhana basshylyǵyna qatysty shara qabyldandy. Polıtsııa qyzmetkerlerin kórgen keıbir klıentter qorshaýdy qırata qashqan»,- dedi Medeý aýdandyq PB basshysy Dáýren Ótebaev.
