Almatyda dámhanadan shyqqan órttiń aýmaǵy 1 200 sharshy metrdi sharpydy
ALMATY. QazAqparat - Almatyda «ARAGOSTA CAFE» dámhana-meıramhanasyndaǵy órt sóndirildi. Tilsiz jaýdyń aýmaǵy 1 200 sharshy metrdi qurady. Bul týraly Almaty qalalyq TJD resmı ókili Sandýǵash Baımuhanbetova málim etti.
«Órt sóndirý barysynda polıtsııa qyzmetkerleri jaqyn mańda ornalasqan 9 qabatty turǵyn úıden 40 turǵyndy qaýipsiz aımaqqa shyǵardy. Zardap shekkender men qurban bolǵandar joq. Órtti sóndirýge Almaty qalalyq Tótenshe jaǵdaılar departamentiniń «Órt sóndirý» qyzmetiniń jeke quramynan 80 adam men 19 tehnıka jumyldyryldy. Órttiń aýmaǵy 1200 sharshy metrdi qurady. Tańǵy saǵat 07:34-te órt tolyǵymen sóndirildi», - dedi S. Baımuhanbetova.
Aıta ketelik, qazir órttiń shyǵý sebepteri anyqtalyp jatyr.
