Almatyda dámhana tolyǵymen janyp ketti
ALMATY. QazAqparat - Almatyda Serpýhovskıı men Jansúgirov kósheleriniń qıylysyndaǵy «Chınara» dámhanasy túgel janyp ketti, dep habarlaıdy QazAqparat tilshisi.
Alǵashqy órt sóndirýshiler oqıǵa ornyna saǵat 03:16-da jetti. «Órt sóndirýshiler jetken ýaqytta jaǵdaı kelesideı boldy: dámhana alaýlap janyp jatty, órttiń jaqyn mańda ornalasqan turǵyn úı nysandaryna aýysý qaýpi boldy. Qutqarýshylardyń qolǵa alǵan sharalarynyń arqasynda tilsiz jaýdyń turǵyn úı sektoryna aýysýynyń aldy alyndy. Anyqtalǵandaı, dámhananyń jumysy toqtap turǵan, ony jalǵa berý protsesi júrip jatty. Dámhanada órt kezinde iske qosylatyn dabyl júıesi bolmaǵan. Nysanda kúzet bolmaǵan. Jalynnyń taralýy 03.54-te toqtatylyp, 04.45-te tolyǵymen aýyzdyqtaldy», - dep habarlady Almaty qalalyq Tótenshe jaǵdaılar departamentiniń resmı ókili Sandýǵash Baımuhambetova.
Tótenshe jaǵdaılar departamenti tilsiz jaýdyń shyǵý sebebin anyqtaýda. 600 sharshy metr aýmaq jalynǵa oranǵany belgili boldy. Qurbandar men zardap shekkender joq.
