Almatyda dámhana órtenip jatyr
ALMATY. QazAqparat - Almatyda Bostandyq aýdany Rozybaqıev kóshesi 274 mekenjaıyndaǵy dámhanadan órt shyqty, dep habarlaıdy QazAqparat tilshisi.
Almaty qalalyq Tótenshe jaǵdaılar departamentiniń «101» pýltine saǵat búgin saǵat 8:00-de Bostandyq aýdany, Rozybakıev kóshesi, 274 mekenjaıy boıynsha órt shyqqan týraly habarlama tústi.
«Órt sóndirý brıgadasy joǵary rang boıynsha jumyldyryldy. Órt sóndirýshiler oqıǵa ornyna 5 mınýtta jetti. Belgili bolǵanyndaı 3 qabatty dámhananyń shatyry otqa oranǵan. Jaqyn mańdaǵy ǵımarattardy qyzyl jalynan qorǵaý úshin órt oqpandary engizildi. Dereý avtotsısternalar gıdranttarǵa ornatyldy, magıstraldyq jeliler tartylyp, úzdiksiz sýmen qamtamasyz etildi. Órt sóndirý satysy da qoldanyldy», - dep habarlady vedomstvodan. Órt 30 sharshy metrdi sharpyǵan. Órtti sóndirýge 15 tehnıka men 41 órt sóndirýshi jumyldyryldy. Tótenshe oqıǵadan zardap shekkender men qaza tapqandar joq.
