Almatyda dámhana daıashysy azyq-túlik dúkenine qarýly shabýyl jasady
Bostandyq aýdanynda túngi saǵat 01.00-de azyq-túlik dúkenine qarýly shabýyl jasaldy.
«Rozybakıev kóshesinde táýlik boıy jumys isteıtin azyq-túlik dúkenine belgisiz bireý klıent bolyp kirip, qarý qoldaný arqyly kassadaǵy aqshany urlaǵan. Kúzetshi men kassır ómirleri úshin qaýiptenip, tonaýshynyń talabyn oryndap, túsken aqshany bergen. Qylmysty ashý maqsatynda krımınaldyq polıtsııanyń tájirıbeli jedel qyzmetkerleri men aýdandyq polıtsııa bóliminiń tártip saqshylarynan arnaıy jedel-izdestirý toby quryldy. Bir táýlikten soń polıtsııanyń arnaıy jasaǵynyń kómegimen kúdikti qolǵa tústi», - dedi Almaty qalalyq Polıtsııa departamenti bastyǵynyń orynbasary Dıdar Ahanov.
Onyń aıtýynsha, kúdikti daıashy bolyp jumys isteıdi. Dámhana personaly kıim aýystyratyn bólmede sómke tabylyp, onda aıǵaqzattar anyqtaldy.
«Atap aıtqanda, ottyq retinde jasyrylyp qoıǵan - tapansha, qaraqshylyq shabýyl kezinde kıgen kıimi men basqa da quraldar boldy», - dedi Dıdar Ahanov.
Belgili bolǵany, kúdikti – Shymkent qalasynyń 24 jastaǵy turǵyny. Almatyǵa tabys tabý úshin kelgen.
«Onyń azyq-túlik dúkenderine jasalǵan taǵy eki qaraqshylyq shabýylǵa qatysy bary anyqtaldy. Qazir saraptama júrgizilip jatyr. Kúdikti ýaqytsha ustaý ızolıatoryna qamaldy», - dedi departament basshysynyń orynbasary.