Almatyda daǵdarysqa qarsy sharalarǵa 252 mlrd teńge bólinedi
ALMATY. QazAqparat – Almatyda daǵdarysqa qarsy sharalarǵa 252 mlrd teńge bólý qarastyrylǵan, dep habarlaıdy QazAqparat tilshisi.
«Jalpy alǵanda TJ rejımin qamtamasyz etýge 265,3 mlrd teńge qarastyrylǵan. Onyń ishinde daǵdarysqa qarsy sharalarǵa 252,1 mlrd teńge bólinedi. Bul baǵytta 216 jobany júzege asyrý josparda bar. 1 shildede jumyspen qamtý ortalyǵynda 14860 jumys orny qurylǵan. Jumyspen qamtýdyń jol kartasy, «Nurly jer» memlekettik baǵdarlamasy, nátıjeli jumyspen qamtýdy jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» memlekettik baǵdarlamasy, agroónerkásiptik keshendi damytý qolǵa alynǵan.
Odan bólek qarajat muqtaj sanattaǵy azamattarǵa kommýnaldyq tólemderdi óteýge, azyq túlik sebetin jasaqtaýǵa jumsalady», - dedi Qoǵamdyq keńes otyrysynda Almaty boıynsha revızııalyq komıssııa tóraǵasynyń orynbasary Álfııa Raqysheva.
Buǵan deıin Qoǵamdyq keńeste koronavırýstyq ınfektsııamen kúreste 12,2 mlrd teńge bólingeni aıtylǵan bolatyn.
