Almatyda «Tsıfrlyq bilim» baǵdarlamasy iske qosyldy
Joba 10-11 synyp oqýshylaryna saýnd-dızaın, veb-baǵdarlamalaý, veb-dızaın, pıton-baǵdarlamalaý, vıdeomeıkıng, mobıldi ázirleý, oıyn dızaıny, ınternet-marketıng, tsıfrlyq kommýnıkatsııalar jáne áleýmettik jelilerdi basqarý sııaqty jańa dáýirde talap etiletin mamandandyqtardy meńgerýge múmkindik beredi.
Baǵdarlama oqýshylardyń tehnologııalyq, jalpyadamzattyq jáne data-saýattylyǵyn arttyrýǵa baǵyttalǵan, bul qazirgi álemde aqparattyń únemi ósip kele jatqan aǵynyn tıimdi paıdalanýǵa jáne taldaýǵa, baǵdarlamalaý, kommýnıkatsııa jáne dızaın negizderin úıretýge múmkindik beredi.
Oqytý tolyǵymen onlaın-formatta ótedi jáne vebınarlardan, beınesabaqtardan, ınteraktıvti prezentatsııalardan, toptyq jumystardan, tıýtorlyq súıemeldeýden, úı tapsyrmalaryn oryndaýdan jáne qatysýshylardyń keısterin kórsetýden turady. Árbir oqýshy platformadaǵy barlyq mamandyqtardyń ishinen óz betinshe oqý úshin óziniń jeke baǵdarlamasyn jasaı alady.
«Baǵdarlamaǵa qatysýshylar mektepte suranysqa ıe tsıfrlyq kásipterdiń birin ıgerip, avtomattandyrý jáne joǵalyp bara jatqan kásipter dáýirinde taptyrmaıtyn digital maman bolýǵa biregeı múmkindikke ıe. Memleket basshysy Qasym-Jomart Toqaev óz Joldaýynda bilim berý salasynda tsıfrlyq transformatsııalaý qajettiligin erekshe atap ótken bolatyn. Qazirgi ýaqytta joba tek Almatyda júzege asyrylady jáne IT, jańa mamandyqtar salasyndaǵy kásibı kadrlardyń ınkýbatory retinde qalanyń ımıdjin qalyptastyrýǵa yqpal etedi», - deıdi Digital Maman jobasynyń jetekshisi jáne EdCrunch Academy operatsııalyq dırektory Ádilet Eleýsov.
Baǵdarlama oqytýshylary Decode, WebSchool jáne Element sııaqty otandyq kompanııalardyń IT salasyndaǵy jetekshi sarapshylary, bul frontend-developıng, Android-ázirleý, SMM, grafıkalyq dızaın, UX/UI dızaınerleri, Python, HTML, CSS baǵdarlamalaý tilderi jáne basqa saladaǵy mamandar.
«Digital Maman – 21 ǵasyrdaǵy joǵary synyp oqýshylaryna qajetti daǵdylardy úıretýge baǵyttalǵan Qazaqstandaǵy alǵashqy baǵdarlama. Veb-ázirleýdi úırete otyryp, mektep kezinde baǵdarlamalaý daǵdylaryn ıgere otyryp, balalar básekege qabiletti jáne ýnıversıtet baǵdarlamasyna daıyn bolatynyn túsinemin», - deıdi frontend-ázirleýshi jáne Element baǵdarlamalaý mektebiniń oqytýshysy Aıanbek Shynar.
Kásiptik baǵdar berý jáne tsıfrlyq mamandyqtarǵa oqytý baǵdarlamasy qarqyndy damyp keledi. Osylaısha, Digital Maman arnaıy ázirlengen tsıfrlyq platformasynda kásiptik baǵdar berý testileri, beınesabaqtary men tapsyrmalary bar bloktar ornalastyrylǵan, sondaı-aq áleýmettik jelilerde oqýshylardy yntalandyrý boıynsha jumystar júrgizilýde.
«Bizdiń mektepten 20 oqýshy osy jobaǵa qatysyp jatyr. Digital maman bolashaq mamandyqtardy oqytatyndyqtan, balalar qyzyǵýshylyq tanytady. Bul baǵdarlamadan úlken úmitim bar, meniń oıymsha, ol oqýshylarǵa mamandyq tańdaýda qolǵanat bolady. Árıne, balalarǵa barlyǵy jańasha áser beredi, olar osyndaı mamandyqtar týraly tek estigen edi, endi ózderi tereńirek zertteı bastady, is júzinde bir nárse jasaı bastady»,- deıdi №78 mektep-gımnazııasynyń dırektory Raýshan Qojambetova.
Baǵdarlama aıaqtalǵannan keıin árbir qatysýshy sertıfıkat alady, odan ári jumysqa ornalasý jáne kásibı baǵdar alý jáne óziniń portfolıosy úshin praktıkalyq jobalar ázirleıdi dep josparlanýda. Jobanyń negizgi operatory Almaty mektepteriniń qoldaýymen EdCrunch Academy zamanaýı bilim berýdi damytý ınstıtýty.
