Almatyda tsıfrlandyrý boıynsha basqarma qurylady

ALMATY. QazAqparat – Almatyda jaqynda tsıfrlandyrý boıynsha basqarma qurylady. Keler jyldyń sońyna deıin barlyq memlekettik qyzmetti avtomattandyrý basqarmanyń basty mindeti bolmaq, dep habarlaıdy QazAqparat tilshisi.

Bul týraly qala ákimi Baqytjan Saǵyntaev Memleket basshysynyń joldaýyn júzege asyrý týraly qala aktıviniń otyrysynda aıtty.

Almaty - Qazaqstannyń tsıfrlyq astanasy. Qala turǵyndarynyń 82,6%-y tsıfrlyq tehnologııalardan habary bar. ІT qyzmetterdiń 3/2-si Almatyda júzege asady. Munda 5G málimetterdi taratý formaty testiden ótkizilip jatyr.

«Meniń tapsyrýymmen ákimdikte tsıfrlandyrý boıynsha basqarma qurylatyn boldy. Basqarmanyń basty mindeti – aqyldy qalanyń jańa jobalaryn júzege asyrý, ІT sektordyń damýyna barynsha jaǵdaı jasaý», - dedi B.Saǵyntaev.

Búginde qalada memlekettik qyzmetterdiń 80%-y tsıfrlyq formatta kórsetiledi. Jańa basqarma osy kórsetkishti keler jyldyń sońyna deıin 100 paıyzǵa jetkizbek.