Almatyda Central Asia Fashion Spring 2017 halyqaralyq sán kórmesi ótýde
ASTANA. QazAqparat - Almatyda Central Asia Fashion Spring 2017 atty XIX halyqaralyq sán kórmesi ótýde, dep habarlaıdy QazAqparat.
Dástúrge saı bul sharaǵa erler men áıelderdiń, balalardyń kıimderin, aıaq kıimderin, aksessýarlar, ish kıimder, bas kıimder, teriden tigilgen kıimderdi shyǵaratyn jetekshi óndirýshiler men jetkizýshiler qatysady.
Ár maýsym saıyn kórmege Italııa, Frantsııa, Fınlıandııa, Polsha, Latvııa, Túrkııa, Reseı, Moldova, Frantsııa syndy elderdiń óndirýshileri turaqty qatysady. Degenmen jyldan-jylǵa ózge de elder tarapynan kórmege qyzyǵýshylyq arta túsýde. Máselen, ótken jyly Almatyǵa alǵash ret óz ónimderin ákelgen Úndistan kompanııalaryna kórmeden úlken oryn berilgen bolatyn.
Kórmeniń ashylý rásimi barysynda Open Way 6-shy ulttyq jas dıznaınerler baıqaýynyń aqtyq synyna shyqqan 10 qazaqstandyq dızaınerdiń shaǵyn toptamasy kórsetildi.
Dızaınerlikpen endi aınalysyp júrgen Gúlnar Jánibekova óz toptamasyna «Aýa men gúl» degen ataý beripti. Onyń kıim úlgileri jeńil matadan tigilgen ári kóktem men jaz maýsymyna arnalǵan. Al Saltanat Ábdildaevanyń «Kokan» dep atalatyn toptamasyndaǵy kóılekterdiń úlgisi bir túrden ekinshi túrge aýysa alady.
Kórme «Atakent» kórme kesheninde 14 naýryzǵa deıin jalǵasady.
